O PP da Pontenova equivócase en 53.000 euros (uns 9.000.000 de pts) ¿Pedirá perdón?


O alcalde de A Pontenova, Darío Campos, respondeu onte ás críticas da oposición municipal con respecto á posible perda dunha subvención da UE destinada á Escola de Música, que Jorge García cifrou en 200 000 €. Campos afirmou que o portavoz do PP "segue tratando de confundir á xente con mentiras e falsedades", e explicou que "se o proxecto non saiu adiante de momento foi precisamente por culpa do anterior goberno, do que formaba parte o señor García; convocou dous concursos que houbo que declarar desertos, xa que ningún constructor se quixo facer cargo da obra pola escasa dotación económica reservada para facela". Aclarou, ademais, que a subvención é, en realidade, de 147 000 €.

Campos engadiu que "os datos están a disposición de tódolos veciños no Concello", e sostivo que "esta é unha hipoteca máis do goberno do Partido Popular, unha de tantas; é ridículo que nos acusen de xestión defectuosa, porque a nosa xestión neste asunto, en todo caso, comeza agora".

Comentarios

Celtia dixo…
Atopei o hoxe o teu blog. Gustoume ler de Pepe do Cerdeiral, de Torviso, de Gándaras... e de axudar a recuperar a memoria histórica na Pontenova. Xa sei que o primeiro debera ser lembrarse da familia, e a miña tamén era do bando dos perdidos. Pero no momento o que se me acordaron foron os paseos polo río con Eliseo de Gabriel que me dicía que as mulleres novas tiñamos moito que aportar na ORGA e que Barcelona érache "outra cousa". Eliseo dicíame que aquí se respiraba liberdade e aínda hoxe o imaxino con fíos e telas, camiñando polas Ramblas, cando volto á casa.
Faime moi feliz poder ler as respostas de Darío no Concello aos surrealismos do PP. E faime moi feliz saber que non sempre todo está perdido.
Muito ánimo.

E gracias por linkarme xunto a Perfecto Conde, vaia honra!
17/09/07, 19:19
José Manuel dixo…
Por suposto, espero que Perfecto se sinta moi honrado....
A min o que verdadeiramente me agrada é ver que a rede serve para que os que estades lonxe da Pontenova manteñais ese fio que vos une a nós e o ollo sempre posto no que aquí acontece.
Gobernar non é fácil pero pódoche asegurar que o máis difícil e facer a diario un verdadeiro exercicio de contención para non respostar os desvaríos surrealistas do PP.
Cústame moito traballo saber onde estaban antes ou que perspectiva tiñan das cousas. Cecais realmente o que pasaba é que non se enteraban de nada...
24/09/07, 23:30
Publicar un comentario

Publicacións populares deste blog

Como funciona a Galicia que FUNCIONA ¿..?

Imaxe
  No 2019 publiquei no meu blog "A Santa substituta (Non hai conforto)" . Catro anos despois, en vez de mellorar, a situación está ainda peor, porén parece que FUNCIONA. Segundo o que pasou o 18F como lles gusta chamarlle ós nosos políticos.   O grave do asunto é que no ano 1985 xa escribín no "Gouño" un "trapo" (aínda non se inventaran os "chios" de X -twiter antes-) denunciando a situación sanitaria da Pontenova e, anque os motivos son distintos, a situación segue xenerando tanto malestar cidadán como fai 40 anos.   O malestar cidadán hai que demostralo ao NOSO SISTEMA SANITARIO presentando reclamacións no Centro de Saúde por cada incidencia que teñamos persoalmente. Nesta semana tiven que presentar dúas reclamacións, unha pola desatención manifesta a un paciente e outra porque hoxe non estaba ningún dos médicos titulares e viña un substituto para unhas escasas 4 horas e resultaba imposible atender o que eu consideraba unha urxencia. Anque a m
Ler máis

INDEFINICIÓN E DESLEIXO NA FORMA DE FACER POLÍTICA

Imaxe
  A fin de que se entenda sen moito esforzo a cuestión que vou plantear  quero empezar por unhas cuestións previas e antecedentes do asunto. O que significan algunhas palabras segundo a RAG. Cuestións semánticas: modalidade substantivo feminino Forma particular, entre varias, dunha actividade, dun feito, dun pensamento etc. Gañou o primeiro premio na modalidade de fotografía artística. CONFRÓNTESE VARIEDADE definir verbo transitivo 1 Establecer de maneira precisa os límites de [unha cousa real ou abstracta]. Definir as funcións das administracións locais. O contraluz definía claramente os contornos da súa silueta. desleixamento  PARA TODAS AS ACEPCIÓNS SINÓNIMOS: ACIDIA, DESLEIXO,  CONFRÓNTESE: NEGLIXENCIA substantivo masculino 1 Actitude da persoa que se desleixa. O seu desleixamento no traballo é abraiante. SINÓNIMOS: DEIXAMENTO, DESIDIA, DESINTERESE CONFRÓNTESE: INCURIA Desleixamento no vestir. SINÓNIMOS:  ABANDONO, DEIXAMENTO, DESIDIA, INCURIA CONFRÓNTESE:  DESAMAÑO 2 Acto en que s
Ler máis

MAÑÁ TOCA VOTAR CON ...XEITO

Imaxe
Mañá toca votar e aínda non puiden contrastar os “programas” dos partidos que se presentan. Algúns parece que non o teñen porque de Galicia falaron máis ben pouco. Abrín os sobres que mandaron e vexo que o “programa” non ven co resto dos papeis. Como a estas horas xa non me da tempo a buscar eses programas, cando menos vou ler as cartas que mandan e ver por onde vai cadaquén. Non quero votar como un animal. Dime Rueda na súa carta que “A economía galega vende ao estranxeiro o dobre que antes” pero non me aclara canto é iso en diñeiro, canto nos deixa en Galicia en postos de traballo, en riqueza ou en impostos; tampouco me explica o peso que nesas exportación ten a produción eléctrica eólica que está inzando Galicia e que produce beneficios a empresas con domicilio fiscal en Madrid. Dime seguidamente que “seremos os primeiros en ter universidade gratuíta tamén”, pero non se lembra das veces que dixo non a esta proposta feita dende a oposición nin de que unha das primeiras medidas do PP
Ler máis