María Luz Loureiro García, Premio Galicia de Investigación 2006, primeira muller que lé o pregòn na Pontenova







Unha profesora da Universidade de Santiago será a primeira muller que lé o pregón das Feiras de Outubro da Pontenova.

María Luz Loureiro García que naceu no Lugar de Vilarmide do Concello da Pontenova, é licenciada en Ciencias Económicas pola Universidade de Santiago (1995), ten un Máster en economía agraria e medioambiental e obtivo o Doutorado na Universidade de Washington no ano 2000 coa tese “Collective reputatión & labeling”.

Foi profesora na Universidade de Colorado entre os anos 2000 e 2003, realizou ademais unha estadía como profesora visitante na Universidade Carlos III de Madrid e posteriormente foi nomeada investigadora titular no Instituto Noruego de Investigacións Agrarias, en Oslo. No ano 2004 retornou a Galicia cun contrato de investigación Ramón y Cajal e na Actualidade traballa no Instituto Universitario de Desenvolvemento Económico de Galicia da Universidade de Santiago de Compostela.

Ten publicado numerosos artigos sobre os recursos agrarios, abordando temas como o sector gandeiro, as enerxías renovable, o agroturismo ou as consecuencias económicas das perdas ambientais causadas polos verquidos do Prestige. A Problemática dos recursos en Galicia causados por catástrofes mariñas e por incendios centra actualmente o seu traballo, sendo investigadora principal de tres proxectos relacionados coa materia.

En Xuño deste ano recibiu de mans da Conselleira de Educación e Ordenación Universitaria, Laura Elena Sánchez Piñón, o Premio Eugenio Montero Ríos de Investigación Social 2006 na categoría de investigadores mozos.

É polo tanto un dobre motivo de ledicia que sexa unha pontenovesa e que sexa unha brillante investigadora a que abra estes días de festa e ledicia na Pontenova.

Comentarios

Celtia dixo…
Noraboa pola iniciativa. E moito ánimo para lidiar con certa tropa do Montes, coa iñorancia e os anos de caciquismo que tan mala herdanza deixaron na conciencia do noso pobo. As persoas que te coñecemos admiramos a túa honestidade, a túa capacidade de traballo e de superación e, sobre todo, esa vocación de facer boa política que fixo que non perderas, durante todos estes anos, a ilusión por mellorar as cousas na Pontenova.
14/10/07, 22:38
Anónimo dixo…
Boas José Manuel,
ando informando aos empresarios e emprendedores galegos da oportunidade que teñen de financiar a compra de equipamento informático sen ningún interese en Renovación Tecnológica.

os responsables do portal, dependente de Caixanova, encárganse de todo o proceso. o interesado di o que lle fai falta: ordenadores, software, dominio de internet, cursos de novas tecnoloxías...; eles recollen ofertas de varios proveedores, presentan as cinco mellores e financian a operación sen intereses. chámanlle "a solución redonda", ;).

unha boa oportunidade para introducirse ou mellorar a capacitación tecnolóxica do tecido empresarial galego. noraboa polo blog.
15/10/07, 16:10
Publicar un comentario

Publicacións populares deste blog

Como funciona a Galicia que FUNCIONA ¿..?

Imaxe
  No 2019 publiquei no meu blog "A Santa substituta (Non hai conforto)" . Catro anos despois, en vez de mellorar, a situación está ainda peor, porén parece que FUNCIONA. Segundo o que pasou o 18F como lles gusta chamarlle ós nosos políticos.   O grave do asunto é que no ano 1985 xa escribín no "Gouño" un "trapo" (aínda non se inventaran os "chios" de X -twiter antes-) denunciando a situación sanitaria da Pontenova e, anque os motivos son distintos, a situación segue xenerando tanto malestar cidadán como fai 40 anos.   O malestar cidadán hai que demostralo ao NOSO SISTEMA SANITARIO presentando reclamacións no Centro de Saúde por cada incidencia que teñamos persoalmente. Nesta semana tiven que presentar dúas reclamacións, unha pola desatención manifesta a un paciente e outra porque hoxe non estaba ningún dos médicos titulares e viña un substituto para unhas escasas 4 horas e resultaba imposible atender o que eu consideraba unha urxencia. Anque a m
Ler máis

INDEFINICIÓN E DESLEIXO NA FORMA DE FACER POLÍTICA

Imaxe
  A fin de que se entenda sen moito esforzo a cuestión que vou plantear  quero empezar por unhas cuestións previas e antecedentes do asunto. O que significan algunhas palabras segundo a RAG. Cuestións semánticas: modalidade substantivo feminino Forma particular, entre varias, dunha actividade, dun feito, dun pensamento etc. Gañou o primeiro premio na modalidade de fotografía artística. CONFRÓNTESE VARIEDADE definir verbo transitivo 1 Establecer de maneira precisa os límites de [unha cousa real ou abstracta]. Definir as funcións das administracións locais. O contraluz definía claramente os contornos da súa silueta. desleixamento  PARA TODAS AS ACEPCIÓNS SINÓNIMOS: ACIDIA, DESLEIXO,  CONFRÓNTESE: NEGLIXENCIA substantivo masculino 1 Actitude da persoa que se desleixa. O seu desleixamento no traballo é abraiante. SINÓNIMOS: DEIXAMENTO, DESIDIA, DESINTERESE CONFRÓNTESE: INCURIA Desleixamento no vestir. SINÓNIMOS:  ABANDONO, DEIXAMENTO, DESIDIA, INCURIA CONFRÓNTESE:  DESAMAÑO 2 Acto en que s
Ler máis

MAÑÁ TOCA VOTAR CON ...XEITO

Imaxe
Mañá toca votar e aínda non puiden contrastar os “programas” dos partidos que se presentan. Algúns parece que non o teñen porque de Galicia falaron máis ben pouco. Abrín os sobres que mandaron e vexo que o “programa” non ven co resto dos papeis. Como a estas horas xa non me da tempo a buscar eses programas, cando menos vou ler as cartas que mandan e ver por onde vai cadaquén. Non quero votar como un animal. Dime Rueda na súa carta que “A economía galega vende ao estranxeiro o dobre que antes” pero non me aclara canto é iso en diñeiro, canto nos deixa en Galicia en postos de traballo, en riqueza ou en impostos; tampouco me explica o peso que nesas exportación ten a produción eléctrica eólica que está inzando Galicia e que produce beneficios a empresas con domicilio fiscal en Madrid. Dime seguidamente que “seremos os primeiros en ter universidade gratuíta tamén”, pero non se lembra das veces que dixo non a esta proposta feita dende a oposición nin de que unha das primeiras medidas do PP
Ler máis